توطين الإعلانات للسوق العراقي: شلون تحچي العلامة بلغة الناس؟
أكو إعلانات توصل للعراق، بس من تسمعها تحسها بعدها تحچي من سوق ثاني.
العراقي ممكن يفهم الجملة. السؤال الأهم: هل يحس أن هاي الجملة مكتوبة إله؟
من خلال شغلي مع وكالات تسويقية عالمية وعربية، اشتغلت على تكييف حملات إعلانية للسوق العراقي، ومساعدة الفرق على فهم لغته وسياقه الثقافي. وهذا الشغل يحتاج معرفة باللهجة، وبالناس اللي نخاطبهم، وبالفكرة اللي نريد نحافظ على قوتها.
ناخذ مثال حملة ليز بكأس العالم ٢٠٢٦: (ماكو ليز..ماكو كورة) بينما الأصح محلياً بالعراق هو: ماكو ليز..ماكو طوبة.
قوة هذا المقترح مرتبطة بطريقة استخدام المفردة داخل الجملة: "الطوبة" تجيب ويّاها نبرة حديث نعرفه بين الأصدقاء، وحماس اللعبة، وسوالف التشجيع.
ومع عبارة مثل "إطلع بالعالي" في إعلان MG، ممكن نقترح: اركب/اصعد العالي.
اللهجة العراقية جزء من فهم الجمهور
وتوطين الحملة يحتاج نفهم منو نخاطب، وشنو نريد منه، وبأي مساحة راح يشوف الرسالة أو يسمعها.
إعلان سيارة، ورسالة تطبيق مالي، ومنشور ترفيهي، لكل واحد منها هدف ونبرة ومساحة مختلفة. وحتى داخل السوق العراقي، نختار اللغة بحسب الفئة العمرية والسياق وطبيعة العلامة، ونراعي الاختلافات المحلية عندما تكون مرتبطة بالحملة.
ولهذا، كثرة المفردات العراقية وحدها ما تكفي. بعض النصوص تحتاج لهجة يومية واضحة، وبعضها يناسبها أسلوب عربي أبسط أو أكثر رسمية. الاختيار يتحدد بحسب الناس اللي نخاطبهم.
شلون أساعد الوكالات والعلامات بالسوق العراقي؟
بصفتي كاتب إعلاني عراقي من بغداد، أساعد الوكالات والعلامات التجارية على تكييف رسائلها وحملاتها للجمهور العراقي، مع الحفاظ على هوية العلامة والفكرة التي انطلقت منها الحملة.
هذا التعاون ممكن يشمل:
- تكييف العناوين والشعارات النصية للسوق العراقي.
- إعادة صياغة السكربتات والحوار والتعليق الصوتي باللهجة العراقية.
- مراجعة النصوص من ناحية طبيعية اللغة والنبرة والسياق الثقافي.
- مساعدة الفرق الإبداعية على فهم التعبيرات والملاحظات المحلية المرتبطة بالمهمة.
- اقتراح معالجات كتابية عندما تحتاج الفكرة إلى مساحة أوسع من الترجمة المباشرة.
الهدف أن يطلع النص متماسك ضمن الحملة، ويحافظ على شخصية العلامة، ويكون قريباً من الناس الذين كُتب إلهم.
إذا العراق ضمن خططكم القادمة وعدكم حملة تريدون تكيّفوها للسوق العراقي، أو فكرة تحتاج كتابة محلية من البداية، يسعدني أسمع عنها..